- Язык:
Осетинский (Ирон)
- Автор:
Инал Плиев
Сонет
Раст конквистадор рог æфсæйнаг згъæры,
Æз рабалц кодтон, хъæлдзæгæй цæуын,
Куы-иу зæрдæрай дыргъдоны лæууын,
Куы та мæ тæвд хид сæрсæфæнты згъæлы.
Куы – ʻгуыппæг арвыл сау мæйдар æхсæвы
Цъæх мигъ, къуыбæрттæй рæзгæйæ, уынын,
Кæсын æм, худгæ, мʻ амонд мæн уырны,
Æз, конквистадор рог æфсæйнаг згъæры.
Æмæ, кæд ацы дунейы бынтон,
Фæстаг цæг суадзын ма бауа нæ бон,
Æз уæд мæлæт цы фæнды хуызы хонын!
Кæронмæ не ʻхсæн фæстаг тох цæудзæн,
Æмæ, гæнæн и, бантыса мæнæн
Мæ мард къухæй æрвгъуыз хъоппæг æртонын.
Перевод стихотворения Николая Гумилёва «Сонет» на осетинский язык.