Содержание

J'ai r'mèrtchi aniet dans ta minne eune hardi triste iliade
et coumme tchi qu'tes dés tcheinnent tes g'nouors atout eune bein tenvre gaffe.
Êcoute, au liain, bein au liain là-bas ès bords d'la mathe Tchad,
toutes les vailes d'hors, piann'te eune girafe.

Oulle a l'don d'êlégance, habilyie d'grâce jusqu'à la heune,
auve sa belle pé toute taqu'tée du griffouoillîn d'un tchéthaûd,
auve tchi qu'oulle ôs'sait êgailli raîque ses cratéthes, chutte leune
tchi s'droque dans la mucreu des mathes et tch'êcliaque dans lus ieaux.

D'un but, nou craithait vaie les vailes bigathées d'un navithe;
sa couôrrie ligiéthe coumme eune brise dans tchi qu'du ouaîth'lîn fliotte,
et j'crai qu'lé monde n'en vèrra janmais eune pus grande pâssemithe
qué quand ou s'muche à tchête dé jeu au tchoeu d'la marbe d'eune cotte.

J'connais les contes à l'entou d'l'âtre des pays d'grand mystéthe
entouor la jouaie d'eune néthe hardelle et d'un janne haut jutchi;
tu'as 'té trop longtemps embliâsée et tu n'peux d'aut' y craithe,
tu n'as pon d'soûffl'ye pouor autcheune chose, sénon craithe à la plyie.

Coumme tchi t'raconter les gardîns tropiques où'est qu'nou pathade,
les pitchets d'palmes, et l's aûtchies d'hèrbîn dé tchi qu'nou s'empaffe?
Ch'est-i' qu'tu plieuthe? Êcoute... bein au liain ès bords d'la mathe Tchad,
toutes les vailes d'hors, piann'te eune girafe.

---

Перевод стихотворения Николая Гумилёва «Жираф» на джерсийский язык.

Жираф

Сегодня, я вижу, особенно грустен твой взгляд,
И руки особенно тонки, колени обняв.
Послушай: далёко, далёко, на озере Чад
Изысканный бродит жираф.

Ему грациозная стройность и нега дана,
И шкуру его украшает волшебный узор,
С которым равняться осмелится только луна,
Дробясь и качаясь на влаге широких озер.

Вдали он подобен цветным парусам корабля,
И бег его плавен, как радостный птичий полет.
Я знаю, что много чудесного видит земля,
Когда на закате он прячется в мраморный грот.

Я знаю веселые сказки таинственных стран
Про черную деву, про страсть молодого вождя,
Но ты слишком долго вдыхала тяжелый туман,
Ты верить не хочешь во что-нибудь, кроме дождя.

И как я тебе расскажу про тропический сад,
Про стройные пальмы, про запах немыслимых трав…
Ты плачешь? Послушай… далёко, на озере Чад
Изысканный бродит жираф.